Hi every body
back
نكمل الموضوع؟؟
يلا نبدا:
الصف السادس:
هذا أطرف موقف مر علي بحياتي الدراسية في هذه المرحلة دخلت مع شلة مكونة من 4 بنات و أنتم أكيد عارفين المعادلة الآينشتانية القائلة:
شلة بنات + مدرسة = لعب و مقالب طوال الوقت 
مرة كنا نسولف عن الجن <<< بسم الله سكنهم بمساكنهم
و كنا متفقين أنا و ثلاث من الشلة نخوف البنت الرابعة طبعا الخطة تنص على أن:
نسوي نفسنا خايفين و نشوف أشياء غريبة و نخاف و نسوي لجة طبعا الخطة تتم في البريك قلنا أوكي .
و فعلاً طاحت الأخت بالمقلب و أكلتها و قعدت تصيح و تبكي عاد أنا راودني الشيطان قلت أبزود الطين بلة
رحت للباب و مسكته و قلت: ما راح تتطلعين راح نذبحك.
أول البنت بس تبكي و لما قلت لها كذا قلبت هستيريا ماتت طاح قلبها و فيه وحدة من الشلة خافت عليها و قالت لها: تعيشين و تاكلين غيرها.
البنت لما سمعت هالكلام صارت تصيح و تضحك خفنا عليها قلنا لا تكون خافت من جد و لما هدأناها
قالت : و الله ما يردني إلا المشرفة؟ قلنا: لا تكفين عااد إلا هذي
قالت: لا تحاولون ما فيه أمل.
قلنا: حنا صديقاتك و تسوين فينا كذا بس حبينا نمزح معك
قالت :تشوفون اللي أشوفه؟
حنا خفنا خلااااص طاحت قلوبنا
عاد كل وحدة قامت تقرا قرآن
ووحدة تصيح ووحدة ترتجف أنا عن نفسي خفت بس ما عندي أي ري أكشن
و لما خفنا من جد
قالت:شوفوا هذا يضحك وهذا يهاوش و تأشر على الجدران؟؟؟؟؟؟؟؟؟؟
و بعد حوالي 5 دقائق
قالت: أضحك عليكم بس حبيت أنتقم.
عاد حنا شوي و نضربها 
الصف الأول متوسط:
مرة رحت إختبار مادة الدين بدون مذاكرة؟؟؟؟
تدرون كيف؟
كانت أمي بالمستشفى تولد أختي<<<الله يهديها ما لقت تولد إلا بالإختبارات
فاصل:
أنا إذا مليت من المذاكرة يجيني النوم تقول لي سنة ما نمت المهم أول يوم كانت أمي عندي كانت تمر علي كل نص ساعة تعرفني و كانت أمي تقومني و طبعا تعرفون إيش السؤال اللي أسأله أول ما أقوم: كم الساعة؟
تقولي : لا تخافين يمكن ما نمتي إلا ربع ساعة.
عاد أروح أكمل نومتي <<<ما أتوب هههههه عدنا:
المهم هذاك اليوم نام بابيتو و ما صحاني الله يهديه
و أخوي يقول:قومي؟
أقول له: أصبر شوي.
المهم قال أبوي قومي الساعة 6 نبي نروح المدرسة عاد أنا صار وجهي قوس قزح
قلت لا لا أنت تضحك علي
ما رد بابيتو
و شفت الساعة و ياللهول
بعد نص ساعة راح أختبر و لا فتحته الكتاب أبد
و تعرفون كله أدلة و أحاديث و أحكام .....ETC
رحت فريت الكتاب على الطاير
و ياليتني مذاكرته أيام الدراسة قبل الإختبار
لا والله ما فتحته
ودرعمت على الإختبار
و الله العظيم إني جبت 30 من 30
كيف ما أدري؟ بس قولوا ما شاء الله
و موقف ثاني تذكرته و كان قاهرني و فاقع مرارتي
كانوا إذا يبون يسوون مجلس أمهات كانوا يحشروننا بالساحة الداخلية
و كانت تصقعنا الشمس
و أجلس أطالع و أشوف أنواع الدراما
وحدة واقفة عند الشباك تبي fresh air
ووحدة واقفة على الباب المسكر عشان تشوف أمها
ووحدة ميتة عطش و تبي تشتري ماء بس ما لقت خلص
ووحدة متمددة من التعب
و و و و .....
المهم كبرت هالحركة براس البنات و عصبوا
قلنا بنردها لهم بآخر يوم من الإختبارات
و فعلا تهاوشوا شلتين من البنات
و جت المساعِدة تفكهم
إلا وحدة مجهزة علبة ماء و حاطة فيها أحجار و تراب
و ترميها على راس المساعِدة
حاولوا يمسكونها بس ما قدروا
المهم تبادلنا التهاني و التبريكات تسلم إيديها بردت حرتي ههههههههه الصف الثاني متوسط:
بدأنا بصعوبة المواد و خاصة التاريخ كان يتكلم عن الدول و الشخصيات و التواريخ أووووف كثيرة كانت
المهم قلنا لها تسهل لنا شوي قالت :لا قلنا :تكفين قالت: لأ يعني لأ <<< مع الهمزة لقوة المعنى عاد أنا من انوع اللي ما يذاكر إلا قبل الإختبار بأربع ساعات ساعة منها نوم ههههههه
عاد صار أختبار التاريخ بكرة و أكلت هواء من جد يا بنت حاولي ما فيه أمل أذاكر الدرس أرجع للي قبله ألقى نفسي ناسيته <<<< فعلا أنقهررررت
و طبعا أنتم عارفين سلاح البنات لمواجهة هالمواقف تدرون إيش؟ طقيتها صيحة و قمت أبكي و أصيح مر من عندي أخوي و قال: أنتي تصيحين ألحين وينك أول ما ذاكرتي؟ << الله و أكبر و أنت مقطع الكتب يعني
وكمل كلامه: ذاكري لك كلمتين تنفعك في الإختبار
عاد أنا كانت واصلة معي قلت له:أطلع برى يلا أطلع برى ألحين لا يجيك الكتاب غلى وجهك المهم قال:تشوفين تجيبك الأيام و تسأليني و الله ما أعلمك<<أخوي مسكين قلبه طيب يعني يقول الكلمة بعد شوي ينساها
المهم رحت الإختبار كان صعععععب مررررة
و جبت 28 من 30 و ترى هذي أبيخ درجة جبتها في حياتي يعني أجيب عادة فل مارك
و أنا دايما تكرر معي هالمواقف بس ما أستفيد و أطيح في نفس الغلط مرة ثانية
ملاحظة: في الترم الأول من هذي السنة درست في فصلي عاشقة جالكسي و الله جد
الصف الثالث متوسط:
مرت السنة بسررررعة و سووا لنا حفل تخرج طبعا الحفل محدود نسبيا ولقيت البنات اللي تسلم على المعلمة واللي تكتب ذكرياتها على الجدار و اللي تصيح هي و صديقتها بحرارة لأنهم راح يفترقون بعد السنة هذي ووحدة ضامة صديقتها
أنا طبعا كالعادة حالة شاذة ما عندي أي ري أكشن ولا كأن شي صار
و كان تفكيري في شي واحد بس تتوقعون إيش؟ بالأكل اللي جابوه شلتي
لأني أنا و ياهم متفقين نجيب أكل بمناسبة التخرج
هم مساكين يسبحون بالمشاعرالجياشة و أنا أخطط طبعا أغتنمت الفرصة ورحت آكل لقيت كيكة من باسكن روبنز
و ورق عنب و بطاطس ليز و قارورة بيبسي كبيرة
أكلت إلى ما شبعت و جمعت الباقي بكيسين
ولا هم حاسين بشي
و بكل براءة ودعتهم كأني ماني مسوية شي
طبعا الأكل كثير تشاركت فيه أنا و أختي على شرط تدلكني
وفعلا تغدينا و تعشينا عليه ههههههه بس لما جاء اليوم الثاني دخلت عليهم و سلمت و أوزع أبتسامات بس ماحد رد علي
إلا شوي و يولعون نار و خذلك هوشات وأنا أضحك و أضحك إلى أن مت
و طقوني شوي بس هربت
و البنات مستغربين و أقول لهم السالفة إلا الفصل ماتوا من الضحك
و ألحين ما يقدرون يأمنوني على الأكل خايفين <<<<صرت آفة ههههههه
الصف الأول الثانوي و الأخيييير:
هذي السنة أقدر أقول أنها أحسن سنين عمري كله صراحة كانت رووووعة كل السنة مقالب و مزح و ضحك و تعليقات مالها نهاية ومن المواقف اللي أنا ذاكرتها ألحين إن كانت عندنا بنت كنت كارهتها مدري ليه
المهم جت تتلزق فيني أنا و صديقتي
المهم حنا ما نبيها بالقوة يعني
المهم قلنا نبي نشتري أكل و نرجع
قالت : طيب ودي أروح معكم؟
قلت لها: ليش ما اشتريتي؟
قالت : أشتريت من زمان.
قلت : طيب لا تروحين حنا راح نجيك و بعدين نتمشى سوى أوكي؟
قالت : خلاص.
المهم قمنا نخطط أنا و صديقتي كيف نقدر نقولها بطريقة مو مباشرة إننا ما نبيها؟
و أتفقنا على فكرة
و أشترينا و رجعنا لها
و بدأنا بتطبيق الخطة
قالت صديقتي:ودي أروح الحمام؟
قلت: و أنا معك.
قالت اللزقة: و أنا معكم.
المهم حنا طول الطريق ساكتين
ودخلت صديقتي و دخلت وراها اللزقة
رحت طقيت باب الحمام على صديقتي وطلعنا و خليناها بهدوء
و حنا طالعين صرنا نضحك و نضحك بشكل مو طبيعي
و كلما شافتنا تفرقنا
كل وحدة قامت تتكلم مع اللي تعرفها
اللزقة ضاعت بالطوشة
قالت لي: وينكم أدوركم من الصبح؟ 
قلت لها : أصبري شوي راح أناديها لك. ومن المواقف المشهورة كلمة إذا قيلت أهتزت المدرسة ألا و هي (تفتـــــــــــيش)
أي وحدة تسمعها طبعا تنشرها
ونقعد نخبي الأشياء اللي يتم مصادرتها بالعذر المعروف(هذا ممنوع)
أنا من ناحيتي الحمد لله ما عمري جبت شي غلط حتى عطر ما أجيب
و عندما نسمع الخبر المشؤوم(التفتيش) نفتح الشبابيك و تنهال الكتب منها
وحدة كاتبه عليه أشعار
ووحدة أغاني
ولا الرسايل ولا العطورات والكحل ولا الروج
ووحدة جايبه عدة مكياج كاملة حتى كريم الأساس هههههههه الحمد لله و الشكر
حتى وسط الدفاتر يفتشون فيها
و جيوبنا و إيدينا و كل ما خطر على قلب بشر ولا وحدة مرة واقفة عند الشباك قلت لها: خير يا أخت ما سمعتي تفتيش يا هووه ابعدي عن الشباك لا يهاوشونك؟
قالت: أدري بس صديقتي نطت من الشباك و أنتظرها.
قلت لها: خير سلامات إيش اللي نططها؟ قالت: ما أشترت أكل و جوعانة و راحت تشتري.
قلت لها: و البريك وين كنتوا؟
قالت: ما عندنا وقت سولفنا و رن الجرس. قلت : أجل يا رب يمسكونها عاد عندنا النطة من الشباك مثل كلمة مرحبا يعني بين الحصص لازم ننط نتواصل و نتجاذب أطراف الحديث مع الفصول الأخرى. هذي أكثر المواقف اللي تذكرتها
وياليت تشاركوني بردودكم و يومياتكم و مواقفكم
و لعلمكم قعدت حوالي ساعتي أكتب الموضوعين
يعني أبي ردود تثلج الصدر
و لازم تقولون مواقفكم أوكي
و على فكرة الموضوع ليس منقول
باااااي
موضوع: أيام المدرسة 2 
الجمعة أغسطس 10, 2007 12:55 am
