القصــــمان ومــا أدراك مالقصــمان

اليوم جايبـــــه لكم موضوع خطييييييييييييرن ماارهـ

يتكلم عن حضاره القصمان وعن كلامهم اللي كلن يقول وع كلامكم يالقصمان مادرو انو هالكلام طلع على سنع مو برابيس<<<< تراني قصيميه واللي بيقول شي بطرده والله موضوعي ويتكلمون بعد

اولاّ : وش القصيــم ؟!

تقع منطقه القصيم بوسط السعوديه ، تشتهر القصيم بالزراعه و النخل وهى واحه
خضراء بوسط السعوديه ، الا ان اللهجه القصيميه تستخدم كلمات انجليزيه
لا احد يعلم من اين دخلت هذه الكلمات واظن انها تشابه بالنطق فقط بدون
المعنى

=> اشك انه دخلت منذو مبطي ==> ياشين اللي وده يتفلسف ولا يدري شلون

مثلا مثلا واحد بيروح للقصيــم شلون بيفهم لغتنا ==> سوتها لغه خخخخخخخخخ

الا اذا كـــان معه قامــوس الكلمات القصمنجيه

لحظــــه ::
بمـا ان القصيم معروفه بالابداع منذو مبطي وللحين طبعــا ولها خصوصياتها بالادب والعلم ومدري وشو الموهم لها خصوصيه بالحلويات

هل تعلم ان موطن الكليجا الاصلي هو القصيييم لو وصلت هولندا تراها قصيميه

بما اني قصيميه لو يحوسون بأمها ويحطون لها مليون الف نوع منيب مسميته الا كليجا القصيم

كراث + خبز حار + ليمون + شاهي زنجبيل = جلسة قصمــان
اوص بس لاحد يضحك كل شي ولا الكرااااااث

نرجع لهرج القصمـــان ==> اهم شي هرج

1 ) قوووه = GO
2 ) همـاي = AM I
3 ) ييّزي = EASY
4 ) هـوّ = OH
5 ) كود = CODE
6 ) نيـم = name
7 ) ايت = eat
8 ) مـارج = marriage
9 ) يويق = You egg
10 ) سـاد = sad

والله اننا كشششششششششخه محد احسن من احد كلنا نعرف انقلش

برايفت //
اللي مافهم وحده من الكلمات لا يرده الا لسانه وانا اشرح له

تعالوا نروح لبعض الكلمــات مالها دخل بالانقلش

1) وينهوبوه = هذي الكلمــه حيرت العلمـــاء لانها تسأل عن المكان والزمان بوقت واحــد

2 ) اويــلاهـ = هذي من اساليب الترجي بس بأدب وذوق

3 ) ثلاثتريل - اربعتريل - خمستريل - ستريل - سبعتريل - ثمانتريل - تسعتريل - عشرتريل =ادري بتقولون بقلبكم وش تبي ذا الافريقيه بس انا اعلمك وش نقصد به يعني ثلاث ريال - اربع ريال - خمس ريال ----- لين عشره ريالات

4 ) مير = دايم تكون جواب شرط بالعربي معناها لكن

كلمــات غريبه باللهجه القصميــه اموت اعرف من وين جت ==> ذابحته اللقافه

1 / الطوفريه = الصحن الكبير

2/ صهروج = دورة الميـاه ( وانتوا بكرامه )

3/ اهوه = عطني

اي صح قبل انسسى ( نون النسوه ) تستخدم بكثره بالقصيم مثل ( عطن - ضربن - طبخن - راحن - الــــخ )

قسم في كلمـــات غريببببه مرهـ يعني اذا احد قالها لي افهي يوم يالله افهم وبعد غلط لووووول

يعني اللي بيروح القصيم وهو ما يعرف لهجتنا الله يعييييينه
خــاصه لو كان حجــازي

بالاخير عاد نسوي اغنيه سريعه يالله يابنات فكوا شعوركم [b][COLOR=red
][ وكل القصمممممممممممان خياله علييييييهم رزه الراااااااااااااااااااايه ,,,,,,,,,, ويازين مسكونه بينهم
كولووووووووولييييييييييييش عاشوا عااشووو ][
على قلبي
تنكس
ياهوووووووووووووه
<<تحمست
و

احلى تحيه و صفقه لاهل القصيــم
ولا يهينــون البااقي ..

عاد شوفوا تكلمت عن حضارتنا العريقه ابيكم انتم بعد تتكلمون شوي عن حضارتكم ..
ولاحد يدخل ويطلع بدون مايحد رد اويلاااااه

مشكورة موضوع حلو و مجهود واضح

مشكورة على المرور عاشقة جالكسي .. الله لا يحرمنا من ردودك ^^

بس أنتي ما قلتي لنا الموضوع أنتي كاتبته ولا منقول؟؟؟
مشكوووورة على الموضوع التحفة

نصه أنا ونصه منقول .. يعني اكتب نصف منقول هههه .. مشكورة على المرور موون سوون ^^