السلام عليكم و رحمة الله و بركاته
بسم الله الرحمن الرحيم
حوار مفتوح لكل من يعيشون في المملكة
يا ناس طفشت أنا و هالحجب 
يعني أنمي أدوره لي اسبوعين
ألقاه و بعد جهد
و تأتي الصاعقة (الموقع محجوب)
طيب أنمي راحت علينا
أدور حلقات الكرتون المفضل عندي
ألقاه و أستانس و يا فرحة ما تمت
كالعادة (الموقع محجوب)
قلت يمكن المواقع اللي دخلتها و لا اللي دلوني عليها الناس فعلا
مواقع تستحق الحجب يعني فيها أشياء نص كم
طيب هذا استنتاج منطقي صح؟ منتدى قاعدة اقرأ فيه حوالي سنتين
عجبني و اشتركت فيه
ما أمداني كتبت الموضوع الترحيبي حقي
في قسم التعارف و التهاني
و أقول بسم الله راح أكتب موضوع
وأدخل و ياللهول (الموقع محجوب)
بس والله العظيم إنه موقع رائع بل أكثر من رائع
و لم ألاحظ عليه أي شيء سيء
لا من جهة الدين و العقيدة
ولا من جهة الرأي العام
ولا من جهة الشرف و العفة
يعني فعلا منتدى تحفة
ليش حجبوه ما أدري؟
مرة دخلت موضوع بالغلط و الكاتب كان ما أدري بالضبط إماراتي أو كويتي
قال: أنتم مساكين يالسعوديين قعدت عندكم حوالي اسبوع و طفشت
كل المواقع الحلوة و اللي أنا أدخلها بدولتي
ما تقدرون تدخلونها و أقدر أحمل جديدة و توها نازلة و أنتم ما تقدرون و هم يحجبون على مواقع لم يلاحظ أحد عليها
أي شئ سئ أو ردئ
يعني من الأنمي اللي نزل جديد ........ محرومين من الملفات المهمة ............. محرومين يعني أغلب المواضيع اللي أدور فيها و كل الناس يحبونها
عندنا بالسعودية محجوبة 
كم من موضوع دخلته و سمعت استغاثة سعودي يقول:
يا كاتب الموضوع ترى الرابط عندنا بالسعودية محجوب نزل على رابط ثاني!!!!!!!!! و يرد الآخرون لكاتب الموضوع:
مشكوور جاري التحميل لا تحرمنا من جديدك
طبعا كاتب الموضوع في الغالب ما يعرف إلا هالرابط و يعتذر إيش رايكم؟ هل هذي ضريبة الجلوس في المملكة؟ 
يعني لازم ناخذ الأشياء اللي نبيها بايتة لها خمس سنين من نزلت...
ليه ما لنا حق ناخذها جديدة مثلنا مثل هالبشر
طبعا أنا ما أقول لا يحجبون شي... لهم الحق في الحجب بس في الأشياء اللي تستحق الحجب....
مو خذني جيتك..
يعني لكل شي حدود و بالتالي أحجبوا ولكن بحدووووووووود
هذي وجهة نظري أتمنى أنكم تشاركوني بوجهات النظر يالسعوديين أو من يعيشون في بلد الحجب ..أقصد المملكة
أما من زار السعودية و عاد إلى بلده فليشاركنا بوجهة نظه من حيث الفروق بين بلده و المملكة و إن كان عندي أي خطأ فأصلحوا لي فكل ابن آدم خطاء
و أنا طرحت الموضوع مو علشان تقولون مشكورة و لا يعطيك العافية
لا طرحته علشان تشاركوني برأيكم
و الموضوع مفتوح للنقاش و أتمنى التواصل فأنا ألاحظ فترة ركود في المنتدى (ما عدا بعض الأعضاء)
بانتظار الردود باي
على فكرة الموضوع ليس منقول بل هو من تجربتي الشخصية
موضوع: طفح الكيل المملكة و الحجب 
الأحد أغسطس 12, 2007 9:45 pm
